Sneon 6 april belibbe de KFFB de Fryske boekeklub in hichtepunt yn syn 85-jierrich bestean: doe waard nammentlik de fiifhûndertste útjefte presintearre: Foar dy 20 bibelferhalen.
Dy presintaasje wie yn de IJsherberg yn Dokkum. Jong en âld kaam dêrop ôf. Fansels ek om't gûchelder Minze Dijksma mei in optreden dit feest ekstra opfleure. Mar earst wie der in wolkomstwurd fan de foarsitter fan de KFFB Johannes Bakker. Dêrnei fertelde skriuwer/skathâlder Mynke Hoekstra it ien en oar oer it ta stân kommen fan dit projekt.

Op snein 7 april hat Janneke Spoelstra yn it doarpshûs fan Hijum twa nije boeken presintearre: de roman De parallaks en de dichtbondel Wij yn 'e draaimûne.

Janneke is hikke en tein yn Hijum en gie nei de Arjen Roelofsskoalle, dat no it doarpshûs is. De seal siet moai fol. Nei de iepening troch Janneke joech Ernst Bruinsma (útjouwer) in ynlieding op beide boeken. Dêrnei wiene der optredens fan de skriuwers Syds Wiersma (syn pake wie timmerman yn Hijum), Sytse Jansma (syn pake wie wethâlder fan Ljouwerteradiel) en Baukje Zijlstra. It earste eksimplaar fan de dichtbondel wie foar âld-skoalmaster Sieb Lemstra en de roman waard oanbean oan Gerda Tolk. Sy is it boechbyld fan rôs Fryslân en fertelde dy middeis oer har jierren yn Ljouwerteradiel, en lies it ferhaal ‘In leafde sûnder ein’ fan Sipke de Schiffart foar. Der wie ek muzyk fan Herman Peenstra.  

It berneboek Tomkes foarlêsfeest fan de skriuwsters Auck Peanstra (1954-2016) en Riemkje Pitstra en fan yllustrator Luuk Klazenga, is de winner fan de Simke Kloostermanpriis 2019 , sa makket it Simke Kloostermanlien bekend. It winnende boek is yn 2016 útkaam by Utjouwerij Afûk ta neitins oan Auck Peanstra. Sy hat earder de Simke Kloostermanpriis yn 1998 wûn foar har boek Yn piama de dyk oer.

Op 28 maart is yn Tresoar de twatalige blomlêzing Mijn harp is voor jou mei fersen fan Piter Jelles Troelstra (1860-1930) presintearre. Abe de Vries hat de blomlêzing gearstald, de gedichten oerset en in ynlieding skreaun by it wurk fan Troelstra. Earder wiene wol guon gedichten fan Troelstra oerset nei it Nederlânsk, mar no is der ek in blomlêzing foar hannen. 

Ut hast 70 ynstjoeringen keas de sjuery de oersetting fan Marko van der Wal as bêste Nederlânsktalige oersetting fan it gedicht ‘De redens fan it wurd’, skreaun troch de Dichter fan Fryslân, Eeltsje Hettinga.

Neffens de sjuery is it foar in goede literêre oersetting fan belang dat it orizjinele gedicht mei respekt en begryp fan ynhâld en foarm behannele wurdt. Op syn minst fjouwer ynstjoerders hawwe dat, neffens de sjuery, op ferskate wizen, poerbêst dien. Uteinlik besleat de sjuery dat ien fan dy fjouwer minsken in hast perfekte oersetting skreaun hat, nammentlik Marko van der Wal.

Skriuwster en oersetster Jetske Bilker hat foar dit jier it ‘Boekenweekgeschenk’, skreaun troch Jan Siebelink oerset yn it Frysk. Ferline jier hat sy it boekewikegeskink fan Griet op de Beeck ‘Gezien de feiten’ oerset as ‘Mei it each op de feiten’. Dit jier hat sy de opdracht krige om ‘Jas van belofte’ yn it Frysk oer te setten. It boek is in oade oan in freonskip, oan in heit en oan it skriuwen.

Dy’t yn ‘e boekhannel foar € 12,50 oan boeken keapet, kin kieze foar de Nederlânske of de Fryske ferzje. Op snein 31 maart is it frij reizgjen op it Boekewikegeskink 2019.

Op sneon 30 maart komme Jan Siebelink, oersetster Jetske Bilker, Dichter des VaderlandsTsead Bruinja en Dichter fan Fryslân Eeltsje Hettinga yn dûnsskoalle Saco Velt, Sacramentstrjitte 19 yn Ljouwert byinoar op in literêre jûn, presintearre troch Asing Walthaus. De jûn begjint om 20.00 oere.

Foar de sjuery fan de 13^e edysje fan de Simke Kloostermanpriis is de earste kûgel troch de tsjerke. 
De sjueryleden Geart Tigchelaar, Sytske Eringa en Gerbrich van der Meer hawwe alle Frysktalige jeugd/berneboeken út de trije foargeande jierren lêzen en beoardiele. Ut dy list mei hast fyftich titels hawwe hja 5 boeken nominearre.

De Ljouwerter krante hat in oprop dien om minsken oan te poenen om titels fan Fryske boeken oan te melden mei in motivaasje wêrom as oaren krekt dàt boek lêze moatte soene.

Dit yn ferbân mei De Moanne fan it Fryske Boek dy’t sneon yn Neushoorn fan start gien is mei it Frysk Boekebal. Ljouwert wol ‘City of Literature’ wurde, as in soarte fan fuortsetting fan Kulturele Haadstêd. De UNESCO kent dy titel ta oan stêden dêr’t literatuer oant yn it ûnderwiis in wichtige rol yn spilet.

It is in kâns foar de Fryske literatuer! Wat riedst ien oan dy’t in Frysk boek lêze wol? De LC freget kenners om in boek nei foarren te skowen, dat in oanrieder is, mar lêzers kinne ek boeken foardrage, mei in motivaasje derby fia: This email address is being protected from spambots. You need JavaScript enabled to view it..

Skriuwer / histoarikus Jan Minno Rozendal is útnûge foar in ferbliuw yn it skriuwershûs Hugoenea yn Pasai Donibane, in doarpke tichtby San Sebastian, yn it noarden fan Spanje.

It hûs is eigendom fan de Feriening fan Skriuwers yn it Baskelân. It pân, ferneamd nei Victor Hugo dy’t yn itselde doarpke de simmer fan 1843 trochbrocht hat, is bedoeld foar skriuwers dy’t yn in minderheidstaal skriuwe, bygelyks it Baskysk, Bretonsk of Frysk.

TWIZEL – Yn jierren binne der net safolle boeken yn de beneaming kommen foar de Simke Kloostermanpriis, de trijejierlikse berneboekepriis foar oarspronklik Frysk wurk. Mar leafst 40 boeken steane op de list, rom in tredde mear as de foargeande jierren. Hat de sjuery him by de ôfrûne priisútrikkingen wolris negatyf útsprutsen oer de stân fan saken omtrint de Fryske berneliteratuer, no stiet der foar moannen oan lêsfoer op de planke

Alwer de 65^ste kear dat Fryske dichters en ferhaleskriuwers meidwaan kinne oan de skriuwwedstryd.
Hoe kinst meidwaan?

De Dichter fan Fryslân, Eeltsje Hettinga, freget, yn gearwurking mei It Skriuwersboun om de bêste Nederlânske oersetting fan syn gedicht 'De redens fan it wurd'.

Arjan Hut, ynwenner fan Ljouwert en âld-ynwenner fan Surhústerfean, is lêstendeis beneamd ta ‘wâlddichter’ fan Achtkarspelen. Hut is foar twa jier oansteld en sil op syn minst fiif kear yn it jier in gedicht skriuwe. Dy sil er dan by spesjale gelegenheden yn Achtkarspelen foardrage. As Wâlddichter folget er muzikant Meindert Talma op, dy’t it dichterskip de ôfrûne twa jier fersoarge hat.

In moanne foardat de provinsjale ferkiezings plakfine grypt It Skriuwersboun de kâns oan om in jûn te organisearjen mei fiif listlûkers om sa mei-inoar yn petear te kommen. Yn it kultuerbelied dat krektlyn ferskynde, is de literatuer behoarlik oan ’e krapperein kommen. Om dy reden wolle wy de politisy de skientme fan ’e literatuer meijaan en harren fergje om dat mei te nimmen yn harren beliedsplannen.

Ommers, wat is de Fryske taal sûnder in bloeiende literatuer?

De moanne fan it Fryske boek fynt plak fan 2 o/m 31 maart. De moanne wurdt iepene mei it “Frysk boekebal” op 2 maart om 20.00 oere yn Neushoorn.

It Kadoboek ‘Rosmos ’is skreaun troch Willem Schoorstra.

De Moanne fan it Fryske boek wurdt organisearre troch Boeken fan Fryslân.

Tsead Bruinja is de nije dichter des Vaderlands. De 44-jierrige Fryske Amsterdammer nimt de titel oer fan Ester Naomi Perquin, dy’t de ôfrûne twa jier it amt beklaaide. Bruinja, de sânde ‘Dichter des Vaderlands’, waard keazen troch in beneamingskommisje fan kenners en dichters. Hy sil de kommende twa jier gedichten skriuwe by nasjonale barrens en optrede as ambassadeur fan de poëzij.

De Fryske dichters Cornelis van der Wal, Elmar Kuiper, Syds Wiersma en Geart Tigchelaar sille yn de wike fan 11-17 maart nei it Deenske Aarhus. Hja sille dêr optrede en oersette, mar benammen mei nij wurk te set. It plan is om yn ’e mande mei Deenske dichters te kommen ta in twatalige dichtbondel dy’t meidertiid by Utjouwerij Hispel útjûn wurdt.

Dichter Eppie Dam lêst syn oersetting fan it fers 'k Ben Brahman. Maar we zitten zonder meid fan J. A. dèr Mouw en dêrnei lêst de dichter syn eigen gedicht

Genede moat ik neat fan ha
mar twa fammen laitsje my ta

Yn it kulturele haadstêdjier hat de literatuerfilm ‘Yn dit lânskip leit myn libben’ in jier lang alle dagen te sjen west yn de Gysbert Japicxseal fan Tresoar. Foar dy’t dat ûntkaam is, is der de mooglikheid om de film alsnoch te besjen op Youtube.